قربانی کے بکرے قسطوں پر، غیرقانونی تارکین کی ویکسینیشن، موڈرنا کی رجسٹریشن سمیت سعودی عرب سے گذشتہ ہفتے کی اہم خبریں
قربانی کے بکرے قسطوں پر، غیرقانونی تارکین کی ویکسینیشن، موڈرنا کی رجسٹریشن سمیت سعودی عرب سے گذشتہ ہفتے کی اہم خبریں
اتوار 11 جولائی 2021 0:05
کورونا فائزر ویکسین کی تیسری خوراک کے لیے نگران اداروں سے اجازت لی جا رہی ہے۔ فوٹو اے ایف پی
گذشتہ ہفتے مزید چھ پیشوں کو سعودی شہریوں کے لیے مختص کرنے کا فیصلہ، امارات سے السعودیہ ایئرلائنز کی اضافی پروازیں، غیرقانونی تارکین وطن کو بھی کورونا ویکسین لگانے کے علاوہ عید الاضحیٰ کی تاریخ کا اعلان اور موڈرنا ویکسین کی اجازت کی خبریں نمایاں رہیں۔ اس کے علاوہ اردو نیوز کے قارئین نے کون سی خبریں پسند کیں، گذشتہ ہفتے کی اہم خبروں پر ایک نظر:
مزید چھ پیشے سعودی شہریوں کے لیے مختص کرنے کا فیصلہ
سعودی وزارت ہیومن ریسورسز نے مزید چھ پیشوں کو سعودی شہریوں کے لیے مختص کرنے کا فیصلہ کیا ہے۔
مزید چھ پیشوں کو سعودیوں کے لیے مختص کرنے کا فیصلہ کیا گیا ہے۔( فوٹو ٹوئٹر)
سعودیہ ایئرلائن کے ڈائریکٹرآپریشنز بندرالفوزان کا کہنا ہے کہ امارات میں موجود سعودی شہریوں کی فوری وطن واپسی کےلیے السعودیہ کی 23 پروازوں کو شیڈول کیا گیا ہے۔
امارات سے السعودیہ کی 23 پروازوں کو شیڈول کیا گیا ۔ (فائل فوٹو سیدتی)
سعودی دارالحکومت ریاض میں پہلے فائیو سٹار ہوٹل انٹرکانٹی نینٹل بند ہونے جا رہا ہے۔ یہ سعودی عرب میں سب سے پرانا اور پہلا فائیو سٹار ہوٹل ہے جو 1975 میں ریاض میں قائم کیا گیا تھا۔ یہ 277 کمروں، 7 رائل اور ریزیڈنسی ونگز پر مشتمل تھا۔
ویکسین کی تیسری خوراک کے لیے نگران اداروں سے اجازت لی جا رہی ہے( فوٹو العربیہ)
کورونا فائزر ویکسین کی تیسری خوراک لگانے کی اجازت مانگ لی گئی
امریکی دواساز کمپنی فائزر اور جرمن بائیو ٹیکنالوجی کمپنی بائیو این ٹیک نے اعلان کیا ہے کہ ’کورونا ویکسین کی تیسری خوراک کے لیے نگران اداروں سے اجازت لے رہے ہیں۔‘
سرکاری خبر رساں ایجنسی ایس پی اے کے مطابق سعودی سپریم کورٹ نے بیان میں کہا ہے کہ ’29 ذی قعدہ 1442ھ مطابق 9 جولائی 2021 جمعے کو ذی الحجہ کا چاند مملکت بھر میں کہیں نظر نہیں آیا۔ سنیچر کو ذی قعدہ کی 30 تاریخ ہوگی۔‘
وزارت افرادی قوت و سماجی بہبود نے قانون محنت کی خلاف ورزیوں پر نئی سزاؤں کا عندیہ دیا ہے۔ سزاؤں کے چارٹ میں مقررہ جرمانے قانون محنت کی دفعہ 229 کی شق (الف) اور شق (ب) میں مذکور جرمانوں کی انتہائی حد کے 50 فیصد سے زیادہ نہیں ہوں گے-
قانون محنت کی خلاف ورزیوں پر نئی سزاؤں کا عندیہ دیا گیا ہے۔( فوٹو عاجل)
مملکت کے مشرقی ریجن کے شہر ’دمام ‘ میں قربانی کے لیے جانوروں کی بڑھتی ہوئی قیمتوں پرلوگوں کا کہنا ہے کہ متعلقہ ادارے اس جانب توجہ دیں ، مویشیوں کے تاجرمنہ مانگے دام طلب کررہے ہیں ۔
سعودی عرب اور عمان کو جوڑنے والی شاہراہ تکمیل کے قریب
سلطنت عمان میں نقل و حمل کے سیکریٹری سالم النعیمی نے کہا ہے کہ سعودی عرب اور سلطنت عمان کو ملانے والی شاہراہ کا افتتاح جلد ہوگا۔ سعودی عرب البطحا سے الربع الخالی تک 580 کلو میٹرتک شاہراہ تیار کرچکا ہے۔
سعودی عرب اورعمان کو ملانے والی شاہراہ کا افتتاح جلد ہوگا(فوٹو ٹوئٹر)
