عمران خان کی تقریر، خصوصی پروازیں، موڈرنا ویکسین کی آمد سمیت پاکستان سے گذشتہ ہفتے کی اہم خبریں
عمران خان کی تقریر، خصوصی پروازیں، موڈرنا ویکسین کی آمد سمیت پاکستان سے گذشتہ ہفتے کی اہم خبریں
ہفتہ 3 جولائی 2021 0:02
پاکستان میں گذشتہ ہفتہ خبروں کے لحاظ سے خاصا ہنگامہ خیز رہا، قومی اسلامی میں وزیراعظم عمران خان کی تقریر سوشل اور مین سٹریم میڈیا میں موضوع بحث رہی، افغانستان پر قومی سلامتی کمیٹی کا اہم اجلاس، پیٹرولیم مصنوعات کی قیمتوں میں کمی اور بڑھتی ہوئی لوڈشیڈنگ کی خبروں کے علاوہ پاکستان میں گذشتہ ہفتے کیا ہو رہا؟ گذشتہ ہفتے کی پاکستان سے اہم خبروں پر ایک نظر:
26 ممالک سے پاکستان آنے والے مسافروں پر پابندی برقرار
سول ایوی ایشن اتھارٹی کی جانب سے منگل کو جاری کی گئی نئی گائیڈ لائنز کے مطابق ’سی کیٹگری میں شامل ممالک سے آنے والے پاکستانی مسافروں کو 72 گھنٹے قبل کورونا ٹیسٹ کروانا ہوگا جبکہ غیر ملکی مسافروں پر پاکستان داخلے پر پابندی برقرار رہے گی۔‘
سول ایوی ایشن کے مطابق سی کیٹگری میں شامل ممالک سے آنے والے پاکستانی مسافروں کو 72 گھنٹے قبل کورونا ٹیسٹ کروانا ہوگا۔ (فوٹو: اے ایف پی)
اُمید ہے یو اے ای سفری پابندیاں ختم کر دے گا: پاکستان
پاکستان کی وزارت خارجہ کے ترجمان زاہد حفیظ نے منگل کو کہا ہے کہ پاکستان میں کورونا وائرس کے کیسز میں مسلسل کمی کے بعد امید ہے کہ متحدہ عرب امارات پاکستانیوں پر لگائی گئی سفری پابندیوں کا جائزہ لے گا۔
پاکستان سول ایوی ایشن اتھارٹی کے ترجمان نے غیر ملکی ایئرلائنز کی پروازوں کی منسوخی کی خبروں کی تردید کی ہے۔ (فوٹو: اے ایف پی)
حریم شاہ کی شادی: پیپلزپارٹی کے وزرا دن بھر ہاتھ دکھاتے رہے
تنازعات کا شکار رہنے والی ٹِک ٹاک سٹار حریم شاہ نے اتوار کو اپنے اکاؤنٹ سے ایک تصویر شیئر کی تھی جس میں ایک خاتون اور مرد کا ہاتھ دکھائی دے رہا تھا۔ بعد ازاں انہوں نے لوکل میڈیا کو بیان دیا کہ یہ ان کے نکاح کے وقت کی تصویر ہے، اور ان کی شادی سندھ کابینہ کے ایک وزیر سے ہوئی ہے تاہم ابھی وہ نام نہیں بتا سکتیں۔
’پاکستان میں تیزاب گردی کے صرف تین واقعات پر فلم بن گئی اور آسکر ایوارڈ دیا گیا‘
ڈی جی رینجرز سندھ میجر جنرل افتخار حسن کا کہنا ہے کہ دیگر ممالک کے میٹرو پولیٹن شہروں کے مقابلے میں کراچی خاصا پر امن ہے، لیکن اس کے خلاف پراپیگنڈہ ہوتا ہے۔
پاکستان میں اطالوی سفارت خانے سے 1000 شینجن ویزا سٹِکرز 'چوری' ہوئے (فوٹو: ٹوئٹر)
ملک میں بڑھتی لوڈشیڈنگ، حکومت کو برف پگھلنے کا انتظار
حکومت نے لوڈ شیڈنگ میں پیر تک بہتری آنے کا کہا ہے (فوٹو: اے ایف پی)
ملک بھر میں بجلی کی بندش اور لوڈ شیڈنگ کی وجہ سے پریشان شہریوں کے لیے وزارت توانائی کا پیغام ہے کہ پانچ جولائی سے صورتحال قدرے بہتر ہوگی تاہم مکمل خاتمہ تب تک ممکن نہیں جب تک سکردو اور شمالی علاقہ جات میں برف نہ پگھلے اور تربیلا و منگلا ڈیم سے پن بجلی کی پیداوار بہتر نہ ہو۔
’چین سے تعلقات گھٹانے کے لیے امریکہ، مغرب کا دباؤ غیر منصفانہ ہے‘
وزیراعظم عمران خان نے کہا ہے کہ پاکستان کے چین کے ساتھ ہمیشہ سے خاص تعلقات رہے ہیں ’اور جب کبھی پاکستان کسی مشکل میں ہوا، پڑوسیوں کے ساتھ مسائل ہوں یا کوئی اور معاملہ ہو چین نے ہمارا ساتھ دیا۔‘
افغانستان پر قومی سلامتی کمیٹی کا اجلاس، عسکری حکام کی بریفنگ
پارلیمنٹ ہاﺅس اسلام آباد میں پارلیمانی کمیٹی برائے قومی سلامتی کا اجلاس ہوا جو کہ ساڑھے آٹھ گھنٹے تک جاری رہا۔ اجلاس کی صدارت کمیٹی کے چیئرمین سپیکر قومی اسمبلی اسد قیصر نے کی۔
