عید الاضحی پر سرکاری اداروں میں 11 اور نجی شعبے میں 4 چھٹیاں
اتوار 11 جولائی 2021 19:01
وزارت افرادی قوت و سماجی بہبود نے اس سال عید الاضحی کی تعطیلات کا اعلان کیا ہے (فوٹو: العربیہ)
سعودی وزارت افرادی قوت و سماجی بہبود نے اس سال سرکاری ملازمین اور پرائیویٹ سیکٹر کے لیے عید الاضحی کی تعطیلات کا اعلان کر دیا ہے۔
سرکاری خبر رساں ایجنسی ایس پی اے کے مطابق وزارت افرادی قوت کا کہنا ہے کہ ’سرکاری ملازمین کی عید تعطیلات کا آغاز بدھ 14جولائی 4 ذی الحجہ 1442ھ ڈیوٹی مکمل کرکے ہوگا۔ تعطیلات کا آخری دن اتوار 25 جولائی 15 ذی الحجہ 1442ھ ہوگا۔‘
وزارت افرادی قوت کا کہنا ہے کہ ’سرکاری ادارے پیر 26 جولائی 16 ذی الحجہ 1442ھ کو دوبارہ کھلیں گے۔‘
ایس پی اے کے مطابق وزارت افرادی قوت کا کہنا ہے کہ ’اس سال عید الاضحی پر پرائیویٹ سیکٹر اور بغیر منافع والے اداروں میں عید الاضحی کی تعطیلات 18 جولائی 8 ذی الحجہ 1442ھ کو اتوار کی ڈیوٹی کے بعد شروع ہوگی۔‘
وزارت افرادی قوت کا کہنا ہے کہ’ پرائیویٹ سیکٹر اور بغیر منافع والے سیکٹر کے اداروں میں عید الاضحی کی چھٹی 4 دن کی ہوگی۔‘
عید سے قبل پی آئی اے کی مشرق وسطیٰ کے لیے پروازوں میں اضافہNode ID: 580601
چاند نظر نہیں آیا، سعودی عرب میں عید الاضحی 20 جولائی کوNode ID: 581621
