اسلحہ اور گولہ بارود جمع کرنے کی جگہ میں حادثاتی دھماکہ
’حادثاتی دھماکے کے باعث کوئی جانی و مالی نقصان نہیں ہوا‘ ( فوٹو: سبق)
سعودی وزارت دفاع کے ترجمان بریگیڈیئر جنرل ترکی المالکی نے کہا ہے کہ الخرج شہر کے باہر تلف شدہ اسلحہ جمع کرنے کے میدان میں حادثاتی دھماکہ ہوا ہے۔
سعودی پریس ایجنسی کے مطابق انہوں نے کہا ہے کہ ’حادثہ آج بدھ صبح 5 بجکر 10 منٹ پر ہوا ہے۔‘
ترجمان نے مزید کہا کہ ’جس جگہ دھماکہ ہوا وہ ناکارہ ہتھیار اور گولہ بارود تلف کرنے کی مخصوص جگہ ہے۔‘
وزارت دفاع کے ترجمان کے مطابق ’دھماکے کے نتیجے میں کوئی جانی یا مالی نقصان نہیں ہوا۔ متعلقہ اداروں کی جانب سے حادثے کی تحقیقات کی جا رہی ہیں۔‘
’شعائر‘ سمارٹ حج کارڈ کی خصوصیات کیا ہیں؟Node ID: 582796
منفرد پہاڑ اور سرخ ریت، یہ بھی سعودی عرب ہےNode ID: 582811
