انڈور ڈائننگ کے علاوہ سکولوں کو پہلی جماعت سے لے کر آٹھویں تک بند کرنے کا فیصلہ کیا گیا ہے۔
اس کے علاوہ نویں کلاس اور اس سے اوپر کی جماعتوں کے لیے تعلیمی ادارے سوائے امتحانات کے بند ہو جائیں گے۔
تفریحی پارکس، واٹر پارکس، سی ویو، ہاکس بے اور کینجھر جیسے مقامات کو بھی جمعے سے بند کرنے کا فیصلہ کیا گیا ہے۔
واضح رہے کہ کراچی میں کورونا وائرس کے ڈیلٹا ویریئنٹ کے 35 کیسز سامنے آئے ہیں جس کی وجہ سے ایک بار پھر انڈور ڈائننگ اور سکولوں کو مکمل طور پر کھولنے کا فیصلہ واپس لے لیا گیا ہے۔
ڈیلٹا ویرینٹ کے پیش نظر وزیر اعظم عمران خان نے بھی احتیاطی تدابیر اپنانے پر زور دیا ہے۔
نیشنل کمانڈ اینڈ آپریشن سینٹر کے مطابق پاکستان نے دو کروڑ سے زائد ویکسین کی خوراکیں لگانے کا سنگ میل عبور کر لیا ہے۔
تفریحی پارکس، واٹر پارکس کو جمعے سے بند کرنے کا فیصلہ کیا گیا ہے۔ (فائل فوٹو: اے ایف پی)
یکم جولائی سے اب تک ویکسین کی 40 لاکھ سے زائد خوراکیں لگائی جا چکی ہیں۔
خیال رہے کہ ویکسین نہ لگوانے کے خلاف ملک بھر میں سخت کارروائیاں جاری ہیں۔
پنجاب حکومت نے لاہور میں تمام پرائیویٹ اداروں اور کاروباری مراکز کو پانچ روز کا الٹی میٹم دے دیا ہے کہ ان کے سٹاف کا کوئی ممبر بھی ویکسین کے بغیر ہوا تو عمارت کو سیل کر دیا جائے گا۔ جبکہ یہی الٹی میٹم ریستورانوں کو دو دن کا دیا گیا ہے۔
’امتحانات ضرور ہوں گے، مسلم لیگ ن عامیانہ سیاست بند کرے‘Node ID: 581596
حکومتی ہدایت کے بعد ویکسین نہ لگوانا مہنگا کیسے پڑ سکتا ہے؟Node ID: 582426
