پاکستان نے انگلینڈ میں پہلے ٹی20 میچ میں 31 رنز سے شکست دے دی۔
پاکستان نے انگلینڈ کو پہلے ٹی20 میچ میں جیت کے لیے 232 رنز کا ہدف دیا تھا۔
پہلے کھیلتے ہوئے پاکستان نے چھ وکٹوں کے نقصان پر مقررہ 20 اوورز میں 232 رنز بنائے۔
ہدف کے تعاقب میں انگلینڈ کی پوری ٹیم 201 رنز پر آوٹ ہوگئی۔
ڈیوڈ ملان اور جونی برسٹو کو شاہین شاہ آفریدی نے پویلین بھیج دیا جب کہ معین علی کو محمد حسنین نے آؤٹ کیا۔
لیونگ سٹون نے انگلینڈ کی ٹی 20 کی تاریخ کی تیز ترین نصف سینچری سکور کی۔ انہوں نے 17 گیندوں پر نصف سینچری مکمل کی اور پھر 42 گیندوں پر ٹی 20 کی پہلی سینچری بنائی۔ 102 رنز بنا کرشاداب کی گیند پرآوٹ ہوئے۔
جیسن رائے 32 رنز بنا کر شاداب خان کا شکار بنے۔
پاکستان کی جانب سے بیٹنگ میں بابر اعظم اور محمد رضوان نمایاں رہے۔
اوپنرز بابر اعظم اور محمد رضوان نے شاندار کارکردگی کا مظاہرہ کرتے ہوئے پہلی وکٹ کے لیے 150رنز کی پارٹنرشپ قائم کی ۔ دونوں نے نصف سینچریاں سکور کیں۔
محمد رضوان 63 رنز بنا کر گریگوری کی گیند پر بریسٹو کے ہاتھوں کیچ آؤٹ ہوئے۔
مزید پڑھیں
-
انگلینڈ کے خلاف بابر اعظم نے عمران خان کا ریکارڈ بھی توڑ دیاNode ID: 582701 -
بولرز نے بابر اعظم کی محنت پر پانی پھیر دیا، انگلینڈ پھر فاتحNode ID: 582786 -
حسن علی ان فٹ ہوگئے، انگلینڈ کے خلاف پہلے ٹی20 میچ سے آؤٹNode ID: 583516
بابر اعظم 85 رنز بنا کر بریسٹو ہی کے ہاتھوں کیچ آؤٹ ہوئے۔ پاکستان کے تیسرے آؤٹ ہونے والے کھلاڑی صہیب مقصود تھے جنہوں نے 19 رنز بنائے۔
فخر زمان نے 26 جب کہ محمد حفیظ 24 رنز بنا کر آؤٹ ہوئے۔
انگلینڈ کے خلاف تین ایک روزہ میچوں کی سیریز میں بہتر بولنگ فارم دکھانے والے پاکستانی فاسٹ بولر حسن علی زخمی ہونے کے باعث پہلے میچ کی ٹیم سے باہر ہو گئے تھے۔
سابق پاکستانی کپتان معین خان کے صاحبزادے اعظم خان آج پاکستان کی جانب سے ٹی 20 کا ڈیبیوکیا۔ وہ مختصر فارمیٹ کی کرکٹ میں قومی ٹیم کا حصہ بننے والے 93 کھلاڑی بنے ہیں۔
The debutant @MAzamKhan45 receiving his T20I cap from @SarfarazA_54 #HarHaalMainCricket | #BackTheBoysInGreen | #ENGvPAK pic.twitter.com/wCopwstgGf
— Pakistan Cricket (@TheRealPCB) July 16, 2021
پہلے ٹی 20 میچ کے لیے پاکستانی سکواڈ:
بابر اعظم (کپتان) محمد رضوان، صہیب مقصود، محمد حفیظ، فخر زمان، اعظم خان، شاداب خان، عماد وسیم، شاہین شاہ آفریدی، حارث روف، محمد حسنین
