کے پی ایل: ’انڈیا نے کرکٹ بورڈز کو کھلاڑیوں کو کھیلنے سے روکنے کا کہا‘

برطانوی کرکٹر مونٹی پنیسر نے کہا ہے کہ انڈیا نے تمام کرکٹ بورڈز کو کھلاڑیوں کو کشمیر پریمیئر لیگ میں شرکت سے روکنے کا کہا ہے۔

پیر کو اپنے ایک ویڈیو بیان میں برطانوی کرکٹر مونٹی پنیسر نے کہا کہ ’انگلش بورڈ نے بتایا ہے کہ کے پی ایل کھیلنے کی صورت میں انڈین ویزہ نہیں ملے گا۔‘

انہوں نے کہا کہ کرکٹ بورڈز کو یہ بھی کہا گیا ہے کہ کے پی ایل کھیلنے والے کھلاڑیوں کو انڈیا میں کسی کرکٹ ایونٹ کا حصہ نہیں بننے دیا جائے گا۔

’انڈیا کی دھمکی کی وجہ سے کمنٹری اور براڈکاسٹنگ کے کیرئیر میں مشکلات دیکھ رہا ہوں۔‘

دوسری جانب اپنے ایک بیان میں کے پی ایل کے صدر عارف ملک نے کہا ہے کہ انڈیا غیر ملکی کھلاڑیوں کے علاوہ کمنٹیٹرز اور پروڈکشن کے عملے کو بھی کے پی ایل میں شمولیت سے روک رہا ہے۔

انہوں نے بتایا ہے کہ انڈین کرکٹ بورڈ انگلینڈ، جنوبی افریقہ اور ویسٹ انڈیز کے کرکٹ بورڈز کو دھمکیاں دے رہا ہے۔

تاہم، ان کا کہنا تھا کہ، جنوبی افریقہ کے کھلاڑی ہرشل گبز انڈیا کے دباؤ کو ٹھکراتے ہوئے پاکستان پہنچ رہے ہیں۔

ایک روز قبل مونٹی پنیسر نے کہا تھا کہ ’انڈیا اور پاکستان کے کشمیر سے متعلق مسائل کی وجہ سے ہونے والی سیاسی کشیدگی کے پیش نظر میں نے فیصلہ کیا ہے کہ میں کے پی ایل میں حصہ نہیں لوں گا۔ میں اس کا حصہ نہیں بننا چاہتا۔۔۔‘

پیر کو عارف ملک کا کہنا تھا کہ ’انٹرنیشنل کرکٹ کونسل نے انڈین بورڈ کو تگڑا جواب دیا۔ آئی سی سی کا کہنا ہے کہ یہ لیگ پاکستان کرکٹ بورڈ کا اندرونی معاملہ ہے۔‘

کشمیر پریمیئر لیگ کے صدر کا کہنا تھا کہ ’انڈیا کو سمجھنا چاہیے کے پی ایل میں کرکٹ کھیلی جا رہی ہے، سیاست نہیں ہو رہی۔‘

کے پی ایل کے صدر نے امید ظاہر کی کہ پاکستان کرکٹ بورڈ لیگ میں شامل پاکستانی کھلاڑیوں کے این او سی نہیں روکے گا۔

انہوں نے کہا کہ ’کوشش کر رہے ہیں مزید بین الاقوامی کھلاڑیوں کو قائل کریں کہ کے پی ایل کو جوائن کریں۔‘

عارف ملک کا مزید کہنا تھا کہ ’کے پی ایل کے حوالے سے انڈیا کے زیر انتظام کشمیر میں بھی بہت جوش و خروش ہے۔ کوشش کررہے ہیں کہ انڈیا کے زیر انتظام کشمیر کے لوگ بھی کے پی ایل دیکھ سکیں۔‘

کشمیر پریمیئر لیگ کے شیڈول کا اعلان

کشمیر پریمیئر لیگ کے اولین ایڈیشن کے شیڈول کا اعلان کردیا گیا جس کا افتتاحی میچ 6 اگست کو شاہد آفریدی کی راولا کوٹ ہاکس اور شعیب ملک کی میر پور رائلز کے درمیان مظفرآباد کرکٹ سٹیڈیم میں کھیلا جائے گا۔

ایونٹ کا آغاز 6 اگست سے ہوگا جبکہ فائنل 17 اگست کو کھیلا جائے گا۔ تمام میچز مظفر آباد کرکٹ اسٹیڈیم میں کھیلے جائیں گے۔ کشمیر پریمیئر لیگ کے اولین ایڈیشن کے 19 میں سے 12 میچز ڈے اینڈ نائٹ ہونگے۔

ڈائریکٹر آپریشنز تیمور خان نے کشمیر پریمیئر لیگ کے اولین ایڈیشن کے اعلان کے موقع پراپنے تاثرات کا اظہار کرتے ہوئے کہا کہ ہرشل گبز اور تلکارتنے دلشان کا کشمیر پریمیئر لیگ میں حصہ لینا نہایت خوش آئند ہے۔ غیر ملکی سٹارز کی موجودگی میں کشمیر کے نوجوان کھلاڑیوں کو بہت کچھ دیکھنے کا موقع ملے گا۔

کشمیر پریمیئر لیگ کے مکمل شیڈول کے مطابق: