مسجد الحرام میں معذور اور معمر افراد کے لیے خصوصی ٹریک

حرمین شریفین انتظامیہ نے  معذوراور معمر افراد کی آمد ورفت کوآسان بنانے کے لیے مسجد حرام کے داخلی راستوں پر علامات نصب کرکے خصوصی ٹریک تیار کیا ہے۔

سعودی پریس ایجنسی کے مطابق خصوصی ٹریف کا مقصد حرم میں رش کے وقت خصوصی افراد کی آمد و رفت کو آسان بنانا ہے۔

مسجد حرام کے داخلی راستوں پر معذور افراد کے لیے مختص ٹریکس پر علامتیں لگانے کا کام حرمین انتظامیہ کے سربراہ شیخ ڈاکٹر عبدالرحمن السدیس کی ہدایت پر کیا گیا ہے۔

 معذور افراد کے لیے یہ ٹریک نہ صرف مسجد حرام کے داخلی راستوں پر مختص کیے گئے ہیں بلکہ مسجد حرام کے صحن میں بھی جگہوں کی نشاندہی کی گئی ہے۔

حرمین شریفین میں معذور افراد کے ذمہ دار شعبے کے ڈائریکٹر جنرل احمد البرکاتی نے کہا ہےکہ’ مسجد الحرام کے داخلی راستوں اور صحن میں خصوصی افراد کی آمد ورفت کے  لیے ٹریک پر علامتیں لگانے کا کام جاری ہے‘۔