بالی وڈ ’کنگ‘ شاہ رخ خان کے صاحبزادے آریان خان کو مبینہ طور پر منشیات رکھنے یا استعمال کرنے پر انڈیا کے نارکوٹکس کنٹرول بیورو نے حراست میں لے لیا ہے۔
انڈین میڈیا کے مطابق شاہ رخ خان کے بیٹے کو 2 اکتوبر کو ممبئی کے ساحل پر ایک کروز شپ پر ہونے والی پارٹی کے دوران پڑنے والے چھاپے میں حراست میں لیا گیا تھا۔
انڈین نیوز ایجنسی اے این آئی کے مطابق نارکوٹکس کنٹرول بیورو نے اس چھاپے کے دوران 10 افراد کو حراست میں لیا تھا۔
ٹائمز آف انڈیا کے مطابق ایک سینیئر افسر نے انٹرٹینمنٹ ٹائمز کو بتایا کہ آریان خان کے خلاف تحقیقات جاری ہیں۔
انڈین اخبار ہندوستان ٹائمز نے ایک ٹوئیٹ میں آریان خان کی دو تصاویر شیئر کیں جس میں کہا گیا کہ آریان خان کو حراست میں لیا گیا ہے۔
ایک اور انڈین اخبار انڈیا ٹوڈے کے مطابق نارکوٹکس کنٹرول بورڈ نے چھاپے کے دوران کوکین، ایکسٹیسی اور چرس برآمد کی تھی۔
Some grabs of #AryanKhan being detained late last night! #ShahRukhKhan #DrugsParty pic.twitter.com/dcz5QD8l8o
— HT City (@htcity) October 3, 2021
ایک اور ٹوئٹر صارف پرایگ تیواری نے انڈین ٹی وی چینل کی ایک ویڈیو ٹوئیٹ کی جس میں اکچھ لوگوں کو آریان تیواری کو ساتھ لے جاتے دیکھا جا سکتا ہے۔
انہوں نے اپنے ٹوئیٹ میں لکھا کہ ’کیا یہ سچ ہے کہ آریان خان کو این سی بی حراست میں لے رہی ہے؟‘
Is this true #AryanKhan detained by NCB?, shocking if true. #AryanKhan pic.twitter.com/9oR1QUh2b1
— Prayag (@theprayagtiwari) October 2, 2021
