انڈین اداکار شاہ رخ خان کے بیٹے آریان خان کو دو اکتوبر کو ایک کروز سے چھ مزید افراد کے ساتھ حراست میں لیا گیا تھا اور نارکوٹکس کنٹرول بیورو (این سی بی) نے ان پر الزام عائد کیا ہے کہ آریان خان کی فون چیٹ سے پتہ چلا ہے کہ ان کی بین الاقوامی منشیات فروشوں سے پیسوں اور ڈرگز کے حوالے سے بات چیت ہوئی۔
ممبئی کی عدالت نے انہیں سات اکتوبر تک پولیس کی تحویل میں دے دیا ہے۔ تاہم اب این سی بی کا کہنا ہے کہ اس کے افسران کو آریان خان کے پاس سے منشیات نہیں ملی۔
اس معاملے کو انڈین میڈین نے کافی کوریج دی جس کے بعد کچھ دن تو سوشل میڈیا پر شاہ رخ خان پر تنقید ہوتی رہی، تاہم اب لگتا ہے کہ بالی وڈ کے بادشاہ کے پرستاروں نے ٹھان لی ہے کہ انہوں نے اپنے پسندیدہ اداکار کو کو اس مشکل وقت میں تنہا نہیں چھوڑنا۔
سوشل میڈیا خصوصاً ٹوئٹر پر ’آئی سٹینڈ ود ایس آر کے‘ ٹاپ ٹرینڈز میں سے ایک ہے۔
اس کے علاوہ ممبئی میں شاہ رخ خان کی رہائش گاہ منت کے باہر فینز ان سے یکجہتی کا اظہار کرنے کے لیے جمع ہوئے اور ایک بینرز بھی گھر کے باہر چھوڑ گئے۔
اس بینر پر انگریزی میں لکھا تھا کہ ’دنیا کے ہر کونے سے آپ کے فینز آپ سے پیار کرتے ہیں اور یہ غیر مشروط ہے۔‘
’ہم امتحان کے اس وقت میں آپ کے ساتھ کھڑے ہیں۔‘
We Stand with SRK Don't Worry King.. Happies endings is in queue.. Hope this clouds will go far away very soon..#AryanKhan #istandwithsrk pic.twitter.com/03Qgbi9Dyr
— sᴀʙᴇʀ sʀᴋɪᴀɴ'sᴷᴷᴿ™ (@SASrkians) October 5, 2021
اس کیس کے حوالے سے ٹوئٹر پر کچھ لوگوں کا یہ بھی کہنا ہے کہ آریان خان کو صرف شاہ رخ خان کو کمزور کرنے کے لیے اس مقدمے میں پھنسایا جارہا ہے۔
ونگ کمانڈر (ریٹائرڈ) انوما اچاریا نے اپنی ایک ٹویٹ میں آریان خان کے حوالے لکھا کہ ’وہ 23 سال کا ہے اور نشے کا عادی نہیں ہے۔‘
’یہ ایک نوجوان کی کردار کشی کرنے کی واضح کوشش نظر آتی ہے صرف ایس آر کے (شاہ رخ خان) کو کمزور کرنے کی۔‘
He is 23 years and is Not An Addict. This appears to be a clear attempt of character assassination of a young boy, just to make SRK emotionally weak. Selective Targeting of Rich & Famous. …being Muslim adds to the injury.
I condemn such an intent and thus #WeStandWithAryanKhan— Wg Cdr Anuma Acharya (Retd) (@AnumaVidisha) October 5, 2021
بالی وڈ کی ایک اور مشہور شخصیت کمال خان نے لکھا کہ ’اگر کوئی شاہ رخ خان کو جھوٹے الزامات لگا کر انہیں نیچے گرانا چاہتا ہے تو میں غیر مشروط طور پر ان کے ساتھ کھڑا ہوں۔‘
If someone will try to put down Shahrukh Khan @iamsrk by false allegations, then I am standing with him unconditionally. #istandwithsrk
— KRK (@kamaalrkhan) October 5, 2021
دبنگ فلم میں ولن کا کردار ادا کرنے والے سونو سود نے بھی ہندی زبان میں شاہ رخ خان اور ان کے بیٹے کا نام لیے بغیر لکھا کہ ’سچ سامنے آنے میں وقت لگتا ہے، آپ خود خدا نہ بنیں۔‘
बच्चे बहुमूल्य होते हैं
सत्य तो सामने आने में समय लगता है।
ख़ुद भगवान न बनें,
समय को समय दें,
यह समय है, चेहरे याद रखता है।— sonu sood (@SonuSood) October 4, 2021