گورنر پنجاب چوہدری محمد سرور نے امام کعبہ شیخ ڈاکٹر ماہر المعیقلی سے ملاقات کی ہے۔
گورنر پنجاب نے ٹوئٹر پر امام کعبہ شیخ ڈاکٹر ماہر المعیقلی سے ملاقات کی تصاویر شیئر کی ہیں۔
چوہدری محمد سرور نے ٹویٹ کیا کہ امام کعبہ سے ملاقات میرے لیے اعزاز کی بات ہے۔
Wسعودی عرب خصوصا چیلنجوں اور مشکل وقت میں ہمشہ پاکستان کا عظیم دوست رہا ہے۔ پاکستان اور سعودی عرب کے تعلقات وقت کے ساتھ مزید مضبوط ہو رہے ہیںQ۔
It was an honour to meet Imam Masjid Al-Haram Sheikh (Dr) Maher al Muaiqly. #SaudiArabia has always been a great friend of #Pakistan esp during difficult & challenging times. I am thankful to the Imam for his prayers for the integrity & prosperity of people of Pakistan. #Makkah pic.twitter.com/Tli1bbVC3r
— Mohammad Sarwar (@ChMSarwar) October 10, 2021
میں امام کعبہ کا شکر گزار ہوں کہ انہوں نے پاکستان کے عوام کی خوشحالی اور سالمیت کے لیے دعائیں کیں۔
العربیہ نیٹ کے مطابق ملاقات میں امام کعبہ نے کہا کہ’ پاکستان اور سعودی عرب کسی صورت ایک دوسرے سے دور نہیں رہ سکتے۔ پاکستان سعودی عرب کی طاقت ہے۔ دونوں ممالک کے دل ساتھ دھڑکتے ہیں‘۔
یاد رہے کہ گورنر پنجاب سعودی حکومت کی خصوصی دعوت پر عمرے کےلیے سعودی عرب پہنچے تھے۔انہوں نے مسجد نبوی میں بھی حاضری دی اور نوفل ادا کیے۔
پاکستان روانگی سے قبل جدہ میں قونصل جنرل خالد مجید کی رہائش پر ناشتے میں شرکت کی جس میں سفیر پاکستان لیفٹننٹ جنرل بلال اکبر بھی موجود تھے۔
