امارات: کورونا کے 116 نئے مریض
جمعرات 14 اکتوبر 2021 18:04
جمعرات کو کورونا سے ایک شخص کی موت واقع ہوئی- (فوٹو عرب نیوز)
متحدہ عرب امارات میں کورونا کے نئے کیسز میں کمی اورصحت یابی میں اضافہ ہورہا ہے-
اماراتی خبررساں ایجنسی ’وام‘ کے مطابق وزارت صحت کا کہنا ہے کہ گزشتہ 24 گھنٹوں کے دوران کورونا کے 116نئے مریض ریکارڈ پر آئے ہیں جس کے بعد کل مریضوں کی تعداد 7 لاکھ 38 ہزار 268 ہوچکی ہے ـ
ایک ہی دن میں صحت یاب افراد کی تعداد 173 رہی جس کے بعد اب تک مجموعی طورپر 7 لاکھ 31 ہزار 805 اس مہلک وائرس سے شفایاب ہو چکے ہیں -
وزارت صحت کا کہنا ہے جمعرات کے روز کورونا سے ایک موت واقع ہوئی جس کے بعد اب تک ہلاکتوں کی تعداد 2117 ہوچکی ہے-
وزارت صحت نے مزید بتایا ہے کہ گزشتہ چوبیس گھنٹوں کے دوران 3 لاکھ 20 ہزار 554 نئے کورونا ٹیسٹ کیے گئے ہیں-
امارات کی خبروں کے لیے ”اردو نیوز یو اے ای“ گروپ جوائن کریں