پاکستان کے معروف اداکار و گلوکار علی ظفر کو متحدہ عرب امارات کا گولڈن ویزہ دیا گیا ہے۔
متحدہ عرب امارات کا گولڈن ویزہ ملنے کا اعلان علی ظفر نے اپنے انسٹاگرام اکاؤنٹ پر کیا تو اسے اپنے لیے اعزاز قرار دیا۔
اپنی انسٹاگرام پوسٹ میں تصویر کے ساتھ لکھے گئے کیپشن میں انہوں نے لکھا کہ ’متحدہ عرب امارات کی جانب سے گولڈن ویزہ حاصل کرنے والا پہلا پاکستانی اداکار بننے کا اعزاز حاصل ہوا ہے۔‘
علی ظفر کی جانب سے گولڈن ویزہ سے متعلق اطلاع شیئر کرنے پر متعدد صارفین نے انہیں مبارک باد دی اور اسے خوش آئند قرار دیا۔
علی ظفر ان دنوں متحدہ عرب امارات میں ہیں جہاں انہوں نے دبئی ایکسپو میں پاکستانی پویلین کا دورہ بھی کیا ہے۔
Tune in for @AliZafarsays melodious journey with us at The Pakistan Pavilion, Expo2020.#PakistanExpo2020 #PakistanTheHiddenTreasure #OpportunityDistrict #PakistanPavilion #Expo2020 #Dubai pic.twitter.com/8kyQMbVDoD
— PakistanExpo2020 (@Expo2020Pak) October 19, 2021