Sorry, you need to enable JavaScript to visit this website.

سعودی سفیر نواف بن سعید المالکی کا نیول ہیڈ کوارٹرز اسلام آباد کا دورہ

پاکستان میں سعودی عرب کے سفیرنواف بن سعید المالکی نے نیول ہیڈ کوارٹرز اسلام آباد کا دورہ کیا۔
سرکاری خبر رساں ادارے اے پی پی کے مطابق جمعے کو ترجمان پاکستان بحریہ نے بتایا کہ سعودی سفیر نے سربراہ پاک بحریہ ایڈمرل محمد امجد خان نیازی سے ملاقات کی۔
ملاقات کے دوران باہمی دلچسپی کے امور اور دوطرفہ بحری تعاون کے مزید فروغ پر تبادلہ خیال کیا گیا۔
ترجمان پاکستان بحریہ نے بتایا کہ نیول چیف اور معزز مہمان نے خطے کی میری ٹائم سکیورٹی صورتحال پر بات چیت کی۔
سعودی سفیرنواف بن سعید المالکی نے خطے میں امن و استحکام کو یقینی بنانے میں پاک بحریہ کے کردار کو سراہا۔

شیئر: