یہ اقدام خواتین کو مختلف شعبوں میں بااختیار بنانے کا حصہ ہے(فوٹو، اخبار 24 )
سعودی عرب کے مشرقی ریجن کے شہردمام میں ایک عائلی امور کی عدالت کا تمام عملہ خواتین پر مشتمل ہے۔ وزیر انصاف و سربراہ اعلی عدالتی کونسل ڈاکٹر ولید الصمعانی نے اس عدالت کا دورہ کرکے اطمینان کا اظہار کیا-
اخبار 24 کے مطابق یہ اقدام عدلیہ کے مختلف اداروں اور شعبوں میں خواتین کو بااختیار بنانے کی پالیسی کا حصہ ہے-
ملازم خواتین کو خصوصی تربیت فراہم کی گئی ہے (فوٹو: ٹوئٹر)
عدالتی شعبوں میں کام کے لیے ملازم خواتین کو سپیشل ٹریننگ دی گئی- ٹریننگ سکیمیں تیار کی گئی تھیں- دفتری امور نمٹانے کے لیے بھی خواتین تعینات کی گئی ہیں- انہیں بھی دفتری امور کی ٹریننگ دی گئی-
دوسری جانب وزیر انصاف ڈاکٹر ولید الصمعانی نے مشرقی ریجن میں اپیل کورٹ اور عائلی امور کورٹ میں مشترکہ شناختی نظام نافذ کرنے کے طریقہ کار کا بھی معائنہ کیا-
