جازان پولیس نے کہا ہے کہ مملکت میں سرحدی قوانین کی خلاف ورزی کرنے والے دراندازوں اورانہیں دوسری جگہ منتقل کرنے والےغیرملکی کو بھی گرفتارکیا ہے-
ایس پی اے کے مطابق جازان پولیس کے ترجمان نے بتایا کہ ریاض پولیس کے تعاون سے جازان میں سرحدی خلاف ورزی کرنے والے 4 یمنی اور ایک ایتھوپیا کے شہری کو گرفتار کیا گیا ہے جوسرحدی قوانین کی خلاف ورزی کرتے ہوئے مملکت میں داخل ہوئے تھے-
ترجمان نےمزید بتایا کہ انہیں منتقل کرنے والے ایک سوڈانی شہری کو بھی گرفتار کیا گیا ہے- سوڈانی شہری ٹرک کے ذریعے ان لوگوں کو ایک جگہ سے دوسری جگہ منتقل کررہا تھا-
مزید پڑھیں
-
غیرقانونی تارکین کو جعلی اقامے بیچنے والا گروہ گرفتار
Node ID: 498606 -
غیر قانونی تارکین کی مدد پر 15 سال قید اور 10 لاکھ ریال جرمانہ
Node ID: 585711
دوسری جانب جازان پولیس کا کہنا ہے کہ بارڈرسیکیورٹی فورس نے2 موٹر سائیکل سوار یمنیوں کو بھی گرفتار کیا ہے جو سرحدی نظام کی خلاف ورزی کررہے تھے-
جازان پولیس کے ترجمان نے بتایا کہ تمام گرفتار افراد کے خلاف قانونی کارروائیاں مکمل کرکے انہیں متعلقہ ادارے کے حوالے کردیا ہے-
ترجمان نے مزید کہا کہ جو بھی مملکت کے سرحدی نظام کی خلاف ورزی کرے گا- انہیں داخلے، نقل وحمل، پناہ اور کام فراہم کرے گا ان پر جرمانے اور قید کی سزا مقرر ہے-
ترجمان کا کہنا تھا کہ اس قسم کے جرائم میں 15 سال قید اور 10 لاکھ ریال تک کا جرمانہ مقرر ہے- جبکہ نقل و حمل اور رہائش کی ضبطی اس کے علاوہ ہے-
ترجمان نے تمام لوگوں سے اپیل کی کہ وہ ایسے لوگوں کی گرفتاری میں مدد کریں- مکہ مکرمہ اور ریاض میں 911 پر جبکہ مملکت بھر میں 999 اور 996 پر رابطہ کرکے اطلاع دیں-
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں