امارات میں کورونا کے دو ہزار 291 نئے مریض، ایک ہلاکت
اتوار 30 جنوری 2022 18:22
متاثرین کی کل تعداد 8 لاکھ 43 ہزار 30 تک پہنچ گئی ہے(فوٹو ٹوئٹر)
متحدہ عرب امارات میں کورونا کے نئے کیسز میں کمی ہوئی ہے۔ گذشتہ 24 گھنٹوں کے دوران دو ہزار 291 نئے مریض سامنے آئے ہیں۔
وزارت صحت کے مطابق سنیچر کو گذشتہ 24 گھنٹوں کے دوران کورونا کے 4 لاکھ 59 ہزار 244 ٹیسٹ کیے گئے۔
امارات کے سرکاری خبر رساں ادارے ’وام‘ نے وزارت صحت کے حوالے سے بتایا کہ نئے کیسز کے بعد متاثرین کی کل تعداد 8 لاکھ 43 ہزار 30 تک پہنچ گئی ہے۔
بیان میں کہا گیا کہ ’گذشتہ 24 گھنٹوں کے دوران ایک ہزار 14 افراد صحت یاب ہوئے ہیں۔ صحت یاب ہونے والوں کی تعداد بڑھ کر7 لاکھ 76 ہزار861 ہوگئی ہے۔‘
زیرعلاج مریضوں میں سے مزید ایک چل بسا، مرنے والوں کی کل تعداد دو ہزار 240 ہوگئی ہے۔
علاوہ ازیں وزارت صحت نے بیان میں کہا کہ ’گذشتہ 24 گھنٹوں کے دوران کورونا ویکسین کی مزید 13 ہزار 912 خوراکیں دی گئی ہیں۔ اب تک 2 کروڑ 35 لاکھ 27 ہزار 779 خوراکیں دی جاچکی ہیں۔‘
کورونا ماحول میں رہن سہن، سعودی عرب اور امارات مثالی ممالک قرارNode ID: 639826
امارات میں کورونا کے نئے کیسز کم ہونے لگےNode ID: 639841
