Sorry, you need to enable JavaScript to visit this website.

سعودی عرب کی جانب سے اردن  کے لیے 50 ملین ڈالرکی امداد

مملکت، امارات اور کویت اردن کو ڈھائی ارب ڈالر کی امداد دیں گے۔ (فوٹو عاجل)
سعودی وزارت خزانہ کا کہنا ہے کہ مملکت کی جانب سے اردن کے قومی بجٹ کی مد میں 50 ملین ڈالرکی چوتھی قسط  پیش کردی۔  
سعودی خبررساں ایجنسی ’ایس پی اے‘ کے مطابق وزارت خزانہ کا کہنا ہے کہ خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان  کی ہدایت پر اردن کے قومی بجٹ میں سعودی عرب حصہ لے رہا ہے۔ 
تفصیلات کے  مطابق سعودی  عرب، اردن، کویت اور متحدہ عرب امارات کے قائدین نے 4 برس قبل  1439ھ کے دوران مکہ مکرمہ میں منعقدہ سربراہ کانفرنس میں  طے کیا گیا تھا کہ مملکت، امارات اور کویت اردن کو ڈھائی ارب ڈالر کی امداد دیں گے۔
اس ضمن میں یہ بھی طے ہوا تھا کہ تینوں ممالک اردن کے قومی بجٹ کو سہارا دینے کے لیے سالانہ 50 ملین ڈالر دیں گے۔ یہ امداد مسلسل پانچ برس تک دی ادا کی جاتی رہے گی۔ اس سال مملکت نے اس سلسلے کی چوتھی قسط ادا کی ہے۔ ایک قسط مزید باقی ہے۔ 

 

واٹس ایپ پر سعودی عرب کی خبروں کے لیے اردو نیوز گروپ جوائن کریں

شیئر: