جمعرات کو روپے کے مقابلے میں ڈالر، سعودی ریال اور درہم کی قیمت کیا رہی؟

پاکستانی روپے کے مقابلے میں جمعرات کو امریکی ڈالر کی قدر میں معمولی اضافہ ریکارڈ کیا گیا ہے۔

سٹیٹ بینک آف پاکستان کی جانب سے 26 مئی کو جاری کردہ انٹربینک کلوزنگ رپورٹ کے مطابق روپے کے مقابلے میں امریکی ڈالر کی قدر میں 9 پیسے کا اضافہ ہوا۔

حالیہ اضافے کے بعد انٹربینک مارکیٹ میں امریکی ڈالر کی قیمت 202.01 روپے پر پہنچ گئی ہے۔

پاکستان کے مرکزی بینک کے مطابق کاروباری دن کے اختتام پر انٹربینک مارکیٹ میں روپے کے مقابلے میں سعودی ریال کی قدر 53.85، اماراتی درہم 54.99، کویتی دینار 660.82، عمانی ریال 524.68، بحرینی دینار 535.83 اور برطانوی پاؤنڈ کی قدر 254.26 روپے رہی۔

26 مئی کو اوپن مارکیٹ میں امریکی ڈالر کی قیمت خرید 201.5 اور قیمت فروخت 203.5 روپے جبکہ سعودی ریال کی قیمت خرید 52.5 اور قیمت فروخت 53.5 روپے رہی۔

اماراتی درہم کی قیمت خرید 53.5 اور قیمت فروخت 54.5 جبکہ برطانوی پاؤنڈ کی قیمت خرید 249 اور قیمت فروخت 253 روپے رہی۔