دہائیوں پرانا گانا ’قمیض تیڈی کالی‘ ایک بار پھر نئی دھن کے ساتھ عطااللہ عیسیٰ خیلوی نے گایا ہے اور یہ گانا اگلے ہفتے ریلیز ہونے والی فلم ’چوہدری‘ کا حصہ ہوگا۔
ہم فلمز کی جانب سے شیئر کیے جانے والی ویڈیو میں عطااللہ عیسیٰ خیلوی کو خود اپنا گانا گاتے ہوئے دیکھا جا سکتا ہے۔
واضح رہے 24 جون کو ریلیز ہونے والی فلم ’چوہدری‘ کراچی میں ایک بم دھماکے میں مارے جانے والے پولیس افسر چوہردی اسلم پر بنائی گئی ہے۔
چوہدری اسلم کا شمار کراچی پولیس کے مقبول ترین افسروں میں ہوتا تھا اور سنہ 2014 میں کالعدم تحریک طالبان پاکستان کی جانب سے کیے جانے والے ایک بم دھماکے میں مارے گئے تھے۔
فلم چوہدری میں ان کا کردار طارق اسلام نبھا رہے ہیں جو کہ خود بھی سابق پولیس افسر ہیں اور ماضی میں چوہدری اسلم کے ساتھ کام بھی کرچکے ہیں۔
اس فلم میں کام کرنے والے دیگر فنکاروں میں شعمون عباسی، ثنا فخر، یاسر حسین، سلیم معراج، عدنان ٹیپو اور نوال سعید شامل ہیں جبکہ فلم کو عظیم سجاد نے ڈائریکٹ کیا ہے۔
’چودھری‘ فلم 24 جون کو سینما گھروں میں نمائش کے لیے پیش کی جائے گی۔
جمائمہ کی فلم ’وٹس لو گوٹ ٹو ڈو ود اٹ‘ کب ریلیز ہوگی؟Node ID: 675886
صبیحہ خانم :پاکستانی فلموں کی ’خاتونِ اوّل‘Node ID: 677091
’براہماستر‘ کا ٹریلر جاری، کیا فلم میں شاہ رخ خان بھی ہیں؟Node ID: 677751
