اردن کے فرمانروا شاہ عبداللہ ثانی متحدہ عرب امارات کے دورے پر جمعرات کو ابوظبی پہنچ گئے۔
الامارات الیوم کے مطابق صدر شیخ محمد بن زاید آل نہیان نے ایئرپورٹ پہنچنے پر اردنی فرمانروا کا استقبال کیا۔
نائب وزیراعظم شیخ منصور بن زاید آل نہیان، شیخ حمدان بن محمد بن زاید آل نہیان اور ایوان صدارت کے مشیر خاص شیخ محمد بن حمد بن طحنون آل نہیان بھی استقبال کے لیے ایئرپورٹ پہنچے ہوئے تھے۔
شاہ عبداللہ الثانی کے ہمراہ بڑا وفد ہے۔ جس میں اردنی وزیراعظم ڈاکٹر بشر الحصاونہ، نائب وزیراعظم و وزیر خارجہ ایمن الصفدی اور ایوان شاہی کے ڈائریکٹر ڈاکٹر جعفر حسان شامل ہیں۔
