ابشر کے ذریعہ نمایاں نمبر پلیٹس کی نیلامی آج سے
نمایاں نمبر پلیٹس کی نیلامی 29 جون تک جاری رہے گی۔ ( فوٹو: سبق)
سعودی محکمہ ٹریفک نے کہا ہے کہ اتوار سے گاڑیوں اور موٹر سائیکلوں کی نمایاں نمبر پلیٹس کی نیلامی ہو گی۔
سبق ویب سائٹ کے مطابق نمایاں نمبر پلیٹس کی نیلامی ابشر پورٹل کے ذریعہ ہو گی اور یہ 29 جون تک جاری رہے گی۔
محکمہ ٹریفک نے کہا ہے کہ ’تمام شہری و غیرملکی بلا استثنیٰ اس میں حصہ لے سکتے ہیں۔‘
’نیلامی میں شامل ہونے کے لیے ابشر اکاؤنٹ پر ’مائی سروس‘ میں جانا ہو گا جہاں ’محکمہ ٹریفک‘ پر کلک کریں اور وہاں سے آپ نیلامی تک پہنچ سکتے ہیں۔‘
