متحدہ عرب امارات کے صدر شیخ محمد بن زاید آل نہیان اور جرمن چانسلر اولاف شالز نے اتوار کو ابوظبی میں انرجی سیکیورٹی اور صنعتی فروغ میں تیزی کے لیے سٹراٹیجک معاہدے پر دستخط کیے ہیں۔
امارات کی سرکاری نیوز ایجنسی وام کے مطابق معاہدہ ابوظبی کی قومی پٹرولیم کمپنی ادنوک اور جرمن کمپنی آر ڈبلیو ای کے درمیان ہوا ہے۔ اس کے تحت جرمنی کو قدرتی سیال گیس فراہم کی جائے گی۔
اماراتی کمپنی ادنوک سیال قدرتی گیس کی پہلی کھیپ 2022 کے اواخر میں برآمد کرے گی۔ یہ گیس جرمن شہر برانسبونل میں واقع جرمنی کے فلوٹ سٹیشن کو چلانے میں استعمال ہوگی۔
#رئيس_الدولة ومستشار #ألمانيا يشهدان توقيع اتفاقية استراتيجية في مجال تسريع أمن الطاقة والنمو الصناعي، تهدف إلى تسريع تنفيذ المشاريع ذات الاهتمام المشترك بين دولة الإمارات وجمهورية ألمانيا في مجالات أمن الطاقة والحد من الانبعاثات والعمل المناخي.#فيديو_وام pic.twitter.com/OZ67HE28sP
— وكالة أنباء الإمارات (@wamnews) September 25, 2022