بلوچستان کے شہر کوئٹہ میں پاکستان سپر لیگ (پی ایس ایل) کے نمائشی میچ میں ایک سنسنی خیز مقابلے کے بعد کوئٹہ گلیڈی ایٹرز نے پشاور زلمی کو تین رنز سے شکست دے دی ہے۔
اتوار کو کوئٹہ کے بگٹی سٹیڈیم میں پہلے بیٹنگ کرتے ہوئے کوئٹہ گلیڈی ایٹرز نے مقررہ 20 اوورز میں 184 رنز بنائے۔
کوئٹہ گلیڈی ایٹرز کی اننگز کی سب سے خاص بات افتخار احمد کے ایک اوور میں چھ چھکے تھے جو انہوں نے فاسٹ بولر وہاب ریاض کو اننگز کے آخری اوور میں مارے۔
مزید پڑھیں
افتخار احمد نے صرف 50 گیندوں پر 94 رنز کی اننگز کھیلی اور ناٹ آؤٹ رہے جبکہ خوشدل شاہ نے 24 گیندوں پر 36 رنز کی اننگز کھیلی۔
پشاور زلمی کی جانب سے وہاب ریاض نے 47 رنز دے کر تین اور عامر یامین اور اُسامہ میر نے 1،1 وکٹ حاصل کی۔
پشاور زلمی کی ٹیم کی طرف سے وکٹ کیپر بیٹر محمد حارث نے 35 گیندوں پر 53 رنز کی جارحانہ اننگز کھیلی جبکہ شاہد آفریدی 17 گیندوں پر 25 اور کپتان بابر اعظم 18 گیندوں پر 23 رنز بنا سکے۔
کوئٹہ کی سرزمین پر افتخار احمد نے پی ایس ایل کے نمائشی میچ کے دوران وہاب ریاض کو 6 بالز پر 6 چھکے لگا دئیے
Wahab to Iftikhar Ahmed 6 Balls 6 Sixes pic.twitter.com/Wjk0ISYZe1— Fahim Akhtar Malik (@writetofahim) February 5, 2023
کوئٹہ کی جانب سے محمد حسنین نے 30 رنز دے کر 3 اور افتخار احمد نے 19 رنز دے کر دو وکٹیں حاصل کیں۔
اتوار کو صبح سے ہی پشاور زلمی اور کوئٹہ گلیڈی ایٹرز کا میچ پاکستانی کرکٹ شائقین کی توجہ کا مرکز رہا۔
افتخار احمد بھی کبھی ٹرینڈ تو کبھی میمز کی صورت میں ٹوئٹرپر چھائے رہے۔
شہریار اعجاز نے افتخار احمد کی ایک میم شیئر کی جس پر لکھا تھا ’ٹرینڈ نہیں، ٹرینڈ سیٹر ہے میں۔‘
Iftikhar Today took two wickets in his two overs. He scored 94 runs from 50 balls and hit six sixes in an over. Total domination as an allrounder. #IftiMania #QGvPZ pic.twitter.com/YpsURr0KRM
— Shaharyar Ejaz (@SharyOfficial) February 5, 2023
کوئٹہ زلمی کے بیٹر محمد حارث بھی اپنی جارحانہ بیٹنگ کے سبب سوشل میڈیا پر تعریفیں سمیٹ رہے ہیں۔
ارفہ فیروز نے ایک ٹویٹ میں لکھا کہ ’محمد حارث وہ وجہ ہیں جس کے سبب پی سی بی کی سلیکشن کمیٹی کو پاکستان کے لیے مستقبل کے وکٹ کیپرز کے بارے میں سوچنا چاہیے نہ کہ ماضی میں واپس جانا چاہیے۔‘
Mohammad Haris is the reason why PCB Selection Committee should think about future wicketkeepers for Pakistan rather than moving back in the past. #HBLPSL8 pic.twitter.com/z96RSFJMAo
— Arfa Feroz Zake (@ArfaSays_) February 5, 2023
لوگوں کی ایک بڑی تعداد ایسی بھی تھے جو زیادہ خوش اس لیے تھے کہ یہ میچ کوئٹہ میں کھیلا جا رہا تھا۔
بلوچستان میں تعینات سرکاری افسر حمزہ شفقات نے ایک ٹویٹ میں لکھا کہ ’یہ بلوچستان کی جیت ہے۔ یہ کرکٹ کی جیت ہے۔ کوئٹہ کا ماحول زبردست ہے۔‘
This is a victory for Balochistan. This is a win for cricket . Fantastic atmosphere in Quetta pic.twitter.com/AQDxqFOsf0
— Muhammed Hamza Shafqaat (@hamzashafqaat) February 5, 2023
پی سی بی کے چیئرمین نجم سیٹھی نے ایک ٹویٹ میں بلوچستان حکومت، فوجی حکام اور دونوں ٹیموں کے کھلاڑیوں کو میچ کو کامیاب بنانے پر شکریہ ادا کیا۔
What a great match in Quetta! Well done everyone! PCB, Govt of Balochistan, Corps HQ, QG, PZ, and all star players who made it a big success! #CricketReturnsToBalochustan
— Najam Sethi (@najamsethi) February 5, 2023
برشنا کاسی نے شاہد آفریدی، بابر اعظم اور سرفراز احمد کو کوئٹہ میں کرکٹ کھیلتا ہوا دیکھ کر خوشی کا اظہار کیا۔
Lovely seeing the likes of Afridi, Babar and Sarfaraz playing in Quetta. They deserve better than that dry, deserted outfield though. If exhibition match is all what authorities wanted, they could’ve scheduled & arranged it better. This ruins the already damaged image of my city.
— Brashna Kasi (@Brashnaa) February 5, 2023
