منگل 7 مارچ کو روپے کے مقابلے میں ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں  کمی ریکارڈ کی گئی ہے۔

سٹیٹ بینک آف پاکستان کے مطابق انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 5 پیسے کی کمی ریکارڈ کی گئی جس کے بعد اس کی نئی قیمت 277.87 روپے ہوگئی ہے۔

خیال رہے کہ گذشتہ پانچ دنوں میں پاکستانی روپے کے مقابلے میں امریکی ڈالر کی مجموعی قیمت میں 11روپے 81 پیسے کا اضافہ ریکارڈ کیا گیا ہے۔

منگل کو پاکستان کی انٹربینک مارکیٹ میں سعودی ریال کی قدر 74.03، اماراتی درہم 75.65، بحرینی دینار 736.93، عمانی ریال 721.74، کویتی دینار 906.04 اور قطری ریال کی قیمت  76.04روپے ریکارڈ کی گئی۔

دوسری جانب اوپن مارکیٹ میں  پیر کو امریکی ڈالر کی قیمت خرید 277.2 اور قیمت فروخت 280 روپے ریکارڈ کی گئی۔

سعودی ریال کی قیمت خرید 73.3 اور قیمت فروخت 74 جبکہ اماراتی درہم کی قیمت خرید 75.3 اور قیمت فروخت 76 روپے رہی۔