ایک ہفتے میں 17 ہزار 92 غیر قانونی تارکین گرفتار
’کل گرفتار شدگان میں سے 9875 اقامہ قوانین کی خلاف ورزی کر رہے تھے‘ (فوٹو: سبق)
سعودی عرب میں گزشتہ ہفتے 17 ہزار 92 غیر قانونی تارکین گرفتار ہوئے ہیں۔
سعودی پریس ایجنسی کے مطابق یہ گرفتاریاں دو مارچ سے 8 مارچ 2023 کے درمیان ہوئی ہیں۔
غیر قانونی تارکین کے خلاف کام کرنے والی مشترکہ کمیٹی نے کہا ہے کہ ’کل گرفتار شدگان میں سے 9875 اقامہ قوانین کی خلاف ورزی کر رہے تھے‘۔
’4784 گرفتار شدگان سرحدی قوانین کی خلاف ورزی کے مرتکب تھے جبکہ 2433 تارکین لیبر قوانین کی خلاف ورزی میں ملوث تھے‘۔
’مذکورہ عرصے کے دوران 936 افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے‘۔
’ان میں سے 50 فیصد یمنی، 47 فیصد ایتھوپی جبکہ 3 فیصد دیگر ممالک کے تارکین تھے‘۔
’اسی طرح سرحد عبور کرکے غیر قانونی طور پر ملک سے باہر جانے کی کوشش کرتے ہوئے 99 افراد گرفتار ہوئے ہیں‘۔
کمیٹی نے کہا ہے کہ ’غیر قانونی تارکین کو سہولت فراہم کرنے پر 17 افراد گرفتار ہوئے ہیں‘۔
’قومی پرچم کو اشتہاری مہمات کے لیے استعمال کرنا منع ہے‘Node ID: 749611
کل سے تیسرا سمسٹر شروع، طلبہ کی واپسیNode ID: 749631
