Sorry, you need to enable JavaScript to visit this website.

اوورسیز پاکستانی حراستی تشدد کے خلاف آواز اُٹھائیں: فواد چوہدری

فواد چوہدری نے بتایا کہ ’اظہر مشوانی اسمیت 750 کارکن اغواء اور گرفتار کیے گئے ہیں‘ (فوٹو: پی آئی ڈی)
تحریک انصاف کے رہنما فواد چوہدری نے اوورسیز پاکستانیوں سے اپیل کی ہے کہ وہ ’غیرقانونی گرفتاریوں اور حراستی تشدد کے خلاف آواز اُٹھائیں۔
جمعے کو اپنی ایک ٹویٹ میں فواد حسین چوہدری نے لکھا کہ ’میں مغربی ممالک میں بیرون ملک مقیم پاکستانیوں سے اپیل کرتا ہوں کہ براہِ مہربانی غیر قانونی گرفتاریوں اور حراستی تشدد کے خلاف آواز اُٹھائیں۔ ایچ آر باڈیز اور ایم پی ایز سے شہبازشریف، مریم نواز، رانا ثناء اللہ، محسن نقوی، آئی جی عثمان انور، سی سی پی او صدیق اور آئی جی اسلام آباد کے ویزے کینسل کرنے کا مطالبہ کریں۔‘
انہوں نے ایک اور ٹویٹ میں بتایا کہ ’اظہر مشوانی اور شاہد حسین سمیت 750 کے لگ بھگ کارکن اغواء اور گرفتار کیے گئے ہیں۔ اظہر اور شاہد حسین کو کہاں رکھا گیا ہے ابھی تک نہیں بتایا جا رہا۔‘
پی ٹی آئی رہنما کا مزید کہنا تھا کہ ’دنیا اس ریاستی دہشت گردی کا نوٹس لے اور بین الاقوامی انسانی حقوق قوانین کے تحت پاکستانی حکمرانوں کی باز پرس کی جائے۔‘

شیئر: