مختلف شہروں میں بارش کی توقع، السودہ میں برفباری

سعودی عرب کے متعدد شہروں میں آج بدھ کو بھی بارش کی توقع ہے جبکہ ابہا کے تفریحی مقام السودہ میں برفباری ہوئی ہے۔

سبق ویب سائٹ کے مطابق السودہ میں برفباری پر موسم سرد ہوگیا ہے جبکہ سیاحوں کا تانتا بندھ گیا ہے۔

دوسری  طرف محکمہ موسمیات نے کہا ہے کہ ’جازان، عسیر، باحہ، مکہ مکرمہ اور مدینہ منورہ میں بارش کی توقع ہے‘۔

’اسی طرح حائل، قصیم، الجوف اور ریاض کے بعض علاقوں میں مطلع ابر  آلود رہے گا‘۔