محمد عباس آفریدی، محمد عامر، محمد رضوان، نسیم شاہ، صائم ایوب، شاداب خان، شاہین شاہ آفریدی اور عثمان خان بھی پاکستانی سکواڈ کا حصہ ہوں گے۔
پی سی بی کے مطابق پاکستان کے سکواڈ میں کوئی ٹریولنگ ریزرو کھلاڑی شامل نہیں ہے۔
15 رکنی سکواڈ میں موجود ابرار احمد، اعظم خان، محمد عباس آفریدی، صائم ایوب اور عثمان خان کو پہلی مرتبہ ٹی20 ورلڈ کپ کے لیے منتخب کیا گیا ہے۔
فاسٹ بولر محمد عامر اور آل راؤنڈر عماد وسیم آخری بار بالترتیب 2016 اور 2021 کا ٹی20 ورلڈ کپ کھیلے تھے۔
سکواڈ میں شامل دیگر 8 کھلاڑی 2022 میں آسٹریلیا میں کھیلے گئے ٹی20 ورلڈ کپ کا حصہ تھے۔
آئی سی سی مینز ٹی20 ورلڈ کپ یکم سے 29 جون تک امریکہ اور ویسٹ انڈیز میں کھیلا جائے گا جس میں پہلی مرتبہ ریکارڈ 20 ٹیمیں حصہ لیں گی۔
قومی سکواڈ انتہائی باصلاحیت اور متوازن ہے: سلیکشن کمیٹی
پی سی بی کی سلیکشن کمیٹی کا کہنا ہے کہ ’یہ انتہائی باصلاحیت اور متوازن سکواڈ ہے جس میں نوجوان اور تجربہ کار دونوں طرح کے کھلاڑی موجود ہیں۔‘
ٹی20 ورلڈ کپ کے گروپ اے میں پاکستان، انڈیا، آئرلینڈ، کینیڈا اور امریکہ کی ٹیمیں شامل ہیں (فائل فوٹو: پی سی بی)
’یہ کھلاڑی کچھ عرصے سے ٹیم میں ایک ساتھ کھیل رہے ہیں اور ٹی20 ایونٹ کے لیے پوری طرح تیار نظر آتے ہیں۔‘
فاسٹ بولر حارث رؤف سے متعلق سلیکشن کمیٹی کا کہنا ہے کہ ’وہ مکمل طور پر فٹ ہیں اور نیٹ پر بھی اچھی بولنگ کر رہے ہیں۔‘
’ہمیں یقین ہے کہ وہ آنے والے میچوں میں اچھی کارکردگی کا مظاہرہ کریں گے اور ایونٹ میں دیگر بولرز کے ساتھ اُن کا بھی اہم کردار ہوگا۔‘
آئی سی سی ٹی20 ورلڈ کپ میں پاکستان کے گروپ میچز
پاکستان آئی سی سی ٹی20 ورلڈ کپ کے گروپ اے کا حصہ ہے، گروپ اے میں انڈیا، آئرلینڈ، کینیڈا اور امریکہ کی ٹیمیں شامل ہیں، پاکستانی ٹیم اپنا پہلا میچ 6 جون کو میزبان امریکہ کے خلاف ڈیلس میں کھیلے گی۔
پاکستان کا اپنے روایتی حریف انڈیا کے خلاف میچ 9 جون کو نیو یارک میں ہو گا۔ پاکستان اور کینیڈا 11 جون کو نیو یارک میں ہی مدِمقابل ہوں گے جبکہ پاکستانی ٹیم اپنا آخری گروپ میچ 16 جون کو آئرلینڈ کے خلاف فلوریڈا میں کھیلے گی۔
