Sorry, you need to enable JavaScript to visit this website.

سعودی عرب میں کہیں ہلکی بارش، کہیں گرد آلود ہوا

’مکہ مکرمہ ریجن کے العرضیات اور القنفذہ شہروں میں ہلکی بارش اور تیز ہوا چلے گی‘ ( فوٹو: سبق)
محکمہ موسمیات نے سعودی عرب کے 7 ریجنوں میں الرٹ جاری کرتے ہوئے کہا ہے کہ آج منگل کو ان علاقوں میں کہیں ہلکی بارش اور کہیں گرد آلود ہوا چلے گی۔
سبق ویب سائٹ کے مطابق محکمہ موسمیات نے کہا ہے کہ ’مکہ مکرمہ ریجن کے العرضیات اور القنفذہ شہروں میں ہلکی بارش اور تیز ہوا چلے گی‘۔
’مذکورہ شہروں میں مطلع ابر آلود رہے گا جبکہ سمندر میں اونچی موجیں اٹھیں گے جبکہ گرج چمک کا بھی امکان ہے‘۔
محکمے نے کہا ہے کہ ’مدینہ منورہ ریجن کے الرایس اور ینبع شہروں میں گرد آلود ہوا چلے گی جس کے باعث حد نگاہ متاثر ہوگی‘۔
’اسی طرح تبوک ، الجوف، الباحہ، عسیر اور جازان کے متعدد شہروں میں مطلع ابر آلود رہے گا جس کے باعث دن بھر گرج چمک رہے گی جبکہ بعض شہروں میں ہلکی اور بعض میں درمیانے درجے کی بارش ہوگی‘۔

شیئر: