سبق نیوز کے مطابق آم میلہ ’مغربی کورنیش‘ کے پارک میں لگایا گیا ہے جہاں ریجن کے کاشت کاروں کی بڑی تعداد شریک ہے۔ القنفذہ کمشنری میں 4 ہزار 288 فارمز ہیں جہاں محتلف اقسام کے آم کے درختوں کی تعداد 5 لاکھ 20 ہزار سے زائد ہے۔
مینگو فیسٹول کے حوالے سے ریجنل ڈائریکٹر وزارت زراعت پانی و ماحولیات ماجد الخلیف نے کہا کہ میلے کے انعقاد کا مقصد مقامی کاشتکاروں کی حوصلہ افزائی کرنا اور قنفذہ کمشنری کی زرعی حثیت کو ملکی اور عالمی سطح پر متعارف کرانا ہے۔
آم میلے میں مختلف تفریحی سرگرمیوں کا اہتمام کیا گیا ہے ۔ بچوں کی دلچسپی کے لیے کھیل کے مقامات بھی بنائے گئے ہیں علاوہ ازیں مقامی ثقافت کو اجاگر کرتے ہوئے لوگ رقص بھی شائقین کےلیے پیش کیے جارہے ہیں۔
میلہ کورنیش پارک کے وسیع و عریض علاقے میں منعقد کیا گیا (فوٹو، ایکس اکاونٹ)
واضح رہے مینگو فیسٹول میں 22 سے زیادہ پویلین لگائے گئے ہیں جہاں مختلف اقسام کے آموں کو متعارف کرایا جا رہا ہے علاوہ ازیں علاقے کی دستکاری کو فروغ دینے کےلیے بھی اسٹالز لگائے گئے ہیں جن پر علاقائی مخصوص اشیا پیش کی جارہی ہیں ۔
