وادی منی میں پیدل چلنے والے راستوں پر سائبان اور پھوار والے پنکھے نصب
وادی منی میں پیدل چلنے والے راستوں پر سائبان اور پھوار والے پنکھے نصب
پیر 5 مئی 2025 18:05
کدانہ کمپنی کو ترقیاتی امور کی انجام دہی کی ذمہ داری دی گئی (فوٹو: ایس پی اے)
سعودی عرب میں مشاعر مقدسہ میں ترقیاتی امور کی ذمہ دار کمپنی ’کدانہ‘ نے وادی منی میں پیدل چلنے والے راستوں پر500 سے زائد پھورا والے پنکھے نصب کیے ہیں۔
ایس پی اے کے مطابق رائل کمیشن برائے مکہ مکرمہ اور مشاعر مقدسہ کی جانب سے اس سال مشاعر مقدسہ میں ترقیاتی امور کے تحت ایام حج میں عازمین کو گرمی کی تپش سے محفوظ رکھنے کے لیے خصوصی انتظامات کیے گئے۔ کدانہ کمپنی کو ترقیاتی امور کی انجام دہی کی ذمہ داری دی گئی۔
35 ہزار مربع میٹر رقبے کو ٹھنڈا رکھنے کے لیے خصوصی انتظامات کیے گئے (فوٹو: ایس پی اے)
کمپنی کی جانب سے مقررہ منصوبے کے تحت وادی منی میں 35 ہزار مربع میٹر رقبے کو ٹھنڈا رکھنے کے لیے خصوصی انتظامات کے تحت پنکھوں کی تنصیب کی گئی۔
ترقیاتی امور کے تحت پیدل چلنے والے راستوں پر عازمین حج کی سہولت اور انہیں سورج کی تپش سے محفوظ رکھنے کے لیے سائبان بھی نصب کیے گئے ہیں۔
