خطبہ حج کا ترجمہ 35 زبانوں میں براہ راست نشر کیا گیا
اس منصوبے پر 86 ارکان پر مشتمل ایک ٹیم نے حصہ لیا۔(فوٹو: ایس پی اے)
مسجد الحرام اور مسجد نبوی کے امور کی دیکھ بھال کے لیے جنرل اتھارٹی نے ایوان صدر دینی امور کے تعاون سے اس سال یوم عرفہ کے خطبے ترجمہ 35 بین الاقوامی زبانوں میں کیا ہے۔
یہ اقدام خطبے کا ترجمہ کرنے کے لیے خادم حرمین شریفین پروجیکٹ کا حصہ ہے جس کا مقصد دنیا بھر کے مسلمانوں کو ان کی مادری زبان میں پیغام پہنچانا ہے۔
ایس پی اے کے مطابق منارت الحرمین پلیٹ فارم اور اتھارٹی کے آفیشل یوٹیوب پیج کے ذریعے خطبہ حج کا ترجمہ براہ راست سننے کی سہولت فراہم کی گئی۔
اسے ’توکلنا‘ ایپ کے ساتھ اتھارٹی کی سرکاری ویب سائٹ اور یوٹیوب چینل کے ذریعے بھی سنا سکتا تھا۔
اس منصوبے پر عملدرآمد میں 86 ارکان پر مشتمل ایک ٹیم نے حصہ لیا۔
یاد رہے اس سال مسجد الحرام کے امام و خطیب شیخ ڈاکٹر صالح بن عبد اللہ بن حمید یوم عرفہ کا خطبہ دیا ہے۔
عرفات کے خطبے کا ترجمہ پروجیکٹ کی سربراہی سعودی قیادت کررہی ہے جس کا مقصد اسلام کی درست تصویر پیش کرنا، اس کے اقدار کا فروغ اور دنیا بھر کے حجاج اور مسلمانوں کو بہترین خدمات فراہم کرنا ہے۔
خطبہ حج کے ترجمے سے 621 ملین افراد مستفید ہوئےNode ID: 866586
خطبہ حج کا ترجمہ 35 زبانوں میں براہ راست سنا جا سکے گاNode ID: 890369
