شارجہ میں ٹریفک جرمانوں کی 60 دن میں ادائیگی پر 35 فیصد رعایت

متحدہ عرب امارات کی ریاست شارجہ نے ٹریفک جرمانوں کی 60 دن کے اندر ادائیگی پر 35 فیصد رعایت کا اعلان کیا ہے۔

الامارات الیوم کے مطابق یہ فیصلہ شارجہ کی ایگزیکٹیو کونسل کے اجلاس میں کیا گیا جس کی صدارت نائب حاکم شارجہ اور کونسل کے نائب چیئرمین نے کی۔

 ٹریفک جرمانوں میں 35 فیصد رعایت مالی جرمانے، گاڑی کی ضبطی کی مدت، ضبطی فیس اور تاخیر کے جرمانوں پر لاگو ہوگی۔ ایک سال کے اندر جرمانے کی ادائیگی پر 25 فیصد تک رعایت حاصل کی جاسکتی ہے۔

کونسل نے بتایا  جرمانوں پر دی جانے والی یہ رعایت سنگین نوعیت کی ٹریفک خلاف ورزیوں پر لاگو نہیں ہوگی۔