سعودی امدادی ایجنسی کے تحت غزہ کی بچی کا کامیاب آپریشن
جمعہ 18 جولائی 2025 22:23
اطلاع ملنے پرعلاج کےلیے فوری طورپر اردن منتقل کیا گیا ( فوٹو: ایس پی اے)
سعودی عرب کی امدادی ایجنسی شاہ سلمان مرکز کے تحت غزہ پٹی سے تعلق رکھنے والی 9 سالہ فلسطینی بچی کے دماغ کی رسولی کا آپریشن کامیابی سے مکمل ہو گیا۔
شاہ سلمان مرکز نے فلسطینی بچی کے بارے میں اطلاع ملنے پرعلاج کےلیے فوری طورپر اردن منتقل کیا۔
ایس پی اے کے مطابق شاہ سلمان مرکز کو فلسطینی بچی کی میڈیکل رپورٹس موصول ہوئیں جس میں اس کے فوری آپریشن کی تجویز دی گئی تھی۔
مرکز نے میڈیکل رپورٹ دیکھتے ہی فوری طورپر بچی کو فلسطین سے اردن کے دارالحکومت میں قائم الحسین کینسرسینٹر منتقل کرنے کے انتظامات مکمل کیے۔
واضح رہے شاہ سلمان امدادی وفلاحی مرکز کی جانب سے فلسطینی بھائیوں کی مستقل بنیادوں پر امدادی مہم جاری ہے جس کے تحت انہیں طبی امداد کے علاوہ دیگر ضروریات بھی فراہم کی جاتی ہیں۔
سعودی امدادی ایجنسی نے فلسطینی بچے کا فوری علاج یقینی بنایاNode ID: 883125
