سعودی عرب کے ڈیلیوری سیکٹر میں تین ماہ کے دوران 101 ملین آرڈر

سعودی ٹرانسپورٹ جنرل اتھارٹی کا کہنا ہے مملکت میں ہوم ڈیلیوری سروسز سیکٹر میں نمایاں  بہتری ریکارڈ کی گئی ہے۔

رواں برس دوسری سہ ماہی کے دوران 101 ملین سے زیادہ آرڈر ڈیلیور کیے گئے۔

اخبار 24 کے مطابق اتھارٹی جانب سے جاری رپورٹ میں کہا گیا کہ ریاض ریجن 45.68 ملین آرڈرز کے ساتھ سرفہرست رہا جومملکت کی سطح پر45 فیصد کے قریب ہے۔

دوسرے نمبرپر مکہ مکرمہ ریجن رہا جہاں آرڈرز کی تعداد 21.47 ملین رہی۔

 مشرقی ریجن تیسرے نمبر پر رہا جہاں آرڈرز کی تعداد 16.10 ملین ریکارڈ کی گئی جبکہ تناسب 15 فیصد رہا۔

سروے رپورٹ میں مزید بتایا گیا کہ مدینہ منورہ ریجن میں 4.71 ملین آرڈر  جبکہ عسیر میں یہ تعداد 3.6 ملین رہی ۔ قصیم ریجن میں 2.93 ملین افراد کو ان کے گھروں پر سامان پہنچایا گیا۔

جازان ریجن میں 1.2 ملین آرڈرز ڈیلیور کیے گئے جبکہ الجوف میں یہ تعداد 779 ہزار رہی۔

 الباحہ ریجن میں سب سے کم آرڈر رہے، مملکت کی سطح پر ان کا تناسب 0.21 فیصد رہا۔