سعودی ولی عہد کی ہدایت پر دمشق میں سعودی، شامی سرمایہ کاری فورم

سعودی ولی عہد و وزیراعظم شہزادہ محمد بن سلمان کی ہدایت پر دمشق میں سعودی، شامی سرمایہ کاری فورم کا انعقاد کیا گیا جس میں دونوں ملکوں کے سرکاری اور نجی شعبے کے نمائندوں نے شرکت کی۔

ایس پی اے کے مطابق اس فورم کا مقصد سعودی عرب اور شام کے درمیان سرمایہ کاری کی شراکت داری کو مضبوط بنانا اقتدصاد تعاون کے لیے نئے افق کھولنا ہے دونوں ملک اپنی تجارت اور سرمایہ کاری کی بنیاد کو وسعت دینا چاہتے ہیں۔

قبل ازیں دمشق میں سعودی سفارتخانے نے کہا ہے کہ دونوں ممالک کے تاجروں اور سرمایہ کاروں کے لیے خصوصی سفری اجازت نامے جاری کیے جا رہے ہیں تاکہ وہ باہمی دورے کرکے سرمایہ کاری کے نئے مواقع کا جائزہ لے سکیں۔

یاد رہے کہ سعودی تاجروں کے ایک وفد نے شامی صدر احمد الشرع نے دمشق میں ملاقات کی تھی۔ دوطرفہ اقتصادی تعاون کے امور بھی زیر بحث آئے۔

 سعودی وفد دنوں ممالک کے مابین تجارتی و سرمایہ کاری کے فروغ کے لیے جمہوریہ شام کے دورے پر ہے جہاں وہ دوطرفہ تعاون کے امکانات کا جائزہ لیا گیا۔

سعودی وفد کا دورہ ایک ایسے وقت میں ہوا ہے جب شام کی نئی انتظامیہ کی جانب سے علاقائی ممالک کے ساتھ اپنے تعلقات کی بحالی اور سرمایہ کاری کے لیے پرکشش ماحول بنانے کی کوششوں کے حوالے سے جامع اقتصادی اور سیاسی اصلاحات پرعمل پیرا ہے۔

شامی حکومت کا مقصد ملک میں سرمایہ کاری کے لیے پرکشش ماحول بنانا ہے تاکہ مختلف شعبے جن میں شہری ہوا بازی، سیاحت، توانائی اور نقل وحمل وغیرہ شامل ہیں کو ترقی دی جاسکے۔