خون عطیہ کرنے کی قومی مہم، مملکت میں 185 مراکز، صحتی ایپ سے بکنگ کرائیں
وزارت صحت نے تمام افراد پر خون عطیہ مہم میں حصہ لینے پر زور دیا ہے (فوٹو: اخبار24)
سعودی وزارت صحت نے شہریوں اور مقیم غیرملکیوں پر زور دیا ہے کہ وہ سالانہ قومی خون عطیہ مہم میں حصہ لیں۔
وزارت نے کہا کہ ’خون کے عطیات براہ راست بلڈ ڈونیشن سینٹر پر جا کر یا صحتی ایپ کے ذریعے آن لائن بکنگ کراکے دیے جا سکتے ہیں جس میں سہولت اور آسانی ہے۔‘
وزارت کا کہنا ہے ’اس اقدام کا مقصد مملکت کے وژن 2030 کے اہداف کے مطابق رضاکارانہ عطیات کو فروغ دینا اور صحت سے متعلق آگاہی کو بڑھانا ہے۔‘
وزارت کے مطابق’ مملکت میں 185 منظور شدہ بلڈ ڈونیشن کام کررہے ہیں تاکہ مختلف شہروں اور علاقوں میں اعلی ترین معیار کے مطابق محفوظ صحتخدمات فراہم کی جا سکیں۔‘
وزارت نے معاشرے کے تمام افراد پر انسانی ہمدردی کے کلچر کو فروغ دینے کےلیے خون کا عطیہ دینے پر زور دیا۔
یاد رہے سعودی ولی عہد شہزادہ محمد بن سلمان نے گزشتہ روز خون کا عطیہ دینے کی قومی مہم کا آغاز کیا اور معاشر کے تمام افراد کو خون کا عطیہ دینے کی ترغیب دی۔
مکہ ریجن کے نائب گورنر شہزادہ سعود بن مشعل بن عبدالعزیز، حائل ریجن کے گورنر شہزادہ عبدالعزیز بن سعد بن عبدالعزیز اور دیگر نے بھی خون کے عطیات یے ہیں۔
سعودی ولی عہد نے خون کا عطیہ دے کر سالانہ مہم کا آغاز کر دیاNode ID: 893629
