سعودی عرب کے عسیر ریجن میں میں ابہا سے 150 کلومیٹر شمال میں واقع تنومہ گورنریٹ ایک منفرد جیولوجیکل اور سیاحتی مقام ہے جو اپنے لاثانی تنوع اور حیرت انگیز قدرتی بناوٹ کے لیے جانا جاتا ہے۔
یہ مقامات سعودی وژن 2030 کے تحت معیشت کو متنوع بنانے کے منصوبے کےلیے تنومہ میں موجود سائٹس اہمیت کی حامل ہیں،جو سیاحوں، مہم جو اور ارضیات کے سائنسی مطالعے میں دلچسپی رکھنے والوں کو راغب کرتی ہیں۔
سعودی سوسائٹی فار جیو سائنسز بورڈ کے چیئرمین اور کنگ سعود یونیورسٹی کے سیسمک سٹڈیز سینٹر کے ڈائریکٹرعبداللہ العامری نے بتایا’ تنومہ کے پہاڑ جو سروات پہاڑی سلسلے کا حصہ ہیں، قدرتی وسائل سے مالا مال ہیں۔‘
اس گورنریٹ کا جغرافیائی ایریا شمال سے جنوب تک تقریبا 25 کلومیٹر اور مشرق سے مغرب تک 80 کلومیٹر تک پھیلا ہوا ہے۔
تنومہ کے کوہساروں میں قدرتی خزانے چھپے ہوئے ہیں، ان میں قیمتی معدنیات بھی موجود ہیں۔ اس کے علاوہ یہاں تاریخی طور پر شاندار اور تجارتی میراث بھی پائی جاتی ہے، یہ مقام یمنی حج روٹ پر واقع ہے جو کسی زمانے میں زائرین کےلیے ایک بڑا تجارتی مرکز بھی تھا۔
