ولی عہد شہزادہ محمد بن سلمان سے فرانس کے صدر کا رابطہ

ولی عہد و وزیراعظم شہزادہ محمد بن سلمان سے فرانس کے صدر ایمانویل میکخواں نے ٹیلی فون پر رابطہ کیا ہے۔

سعودی پریس ایجنسی کے مطابق رابطے کے دوران مشترکہ تعاون کے شعبوں اور انہیں فروغ دینے کے طریقوں کا جائزہ لیا گیا ہے۔

دونوں رہنماؤں نے مقبوضہ فلسطینی علاقوں کی تازہ ترین صورتحال اور غزہ میں انسانی المیے کے خاتمے کے لیے کی جانے والی کوششوں پر بھی بات کی ہے۔

 اس موقع پر ولی عہد شہزادہ محمد بن سلمان نے سعودی عرب کے اس مؤقف کو دہرایا ہے جس میں غزہ میں فوری جنگ بندی کا مطالبہ کیا گیا اور مشرقِ وسطیٰ میں منصفانہ، محفوظ اور جامع امن کے قیام کی ضرورت پر زور دیا گیا ہے۔

 اس کے ساتھ اُن تمام اقدامات کی مذمت بھی کی گئی جو دو ریاستی حل کو نقصان پہنچاتے ہیں۔

علاوہ ازیں علاقائی اور بین الاقوامی صورتحال، حالیہ واقعات، سلامتی اور استحکام کے حصول کے لیے کی جانے والی کوششوں ہر بھی تبادلہ خیال کیا گیا۔