امارات کے صدر ریاض پہنچ گئے، سعودی ولی عہد نے استقبال کیا

متحدہ عرب امارات کے صدر شیخ محمد بن زاید آل نہیان آج بدھ کو ریاض پہنچ گئے ہیں۔

سعودی پریس ایجنسی کے مطابق ولی عہد شہزادہ محمد بن سلمان نے ریاض کے کنگ خالد انٹرنیشنل ایئرپورٹ پر ان کا استقبال کیا ہے۔

یہ دورہ متحدہ عرب امارات اور سعودی عرب کے درمیان قریبی تعلقات کو اجاگر کرنے کے لیے ہے۔

دورے کے دوران دونوں رہنما خطے کی صورتحال اور دو طرفہ تعاون کو مزید مضبوط بنانے پر تبادلہ خیال کریں گے۔