ٹریفک خلاف ورزیوں پر 6 ہزار 8 سو موٹر سائیکلیں ضبط

سعودی محکمہ ٹریفک نے متعدد خلاف ورزیوں پر مختلف شہروں سے 6 ہزار 858 موٹر سائیکلیں ضبط کی ہیں۔

سبق ویب سائٹ کے مطابق 31 اگست 2025 سے 6 ستمبر 2025 تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ ’سب سے زیادہ موٹر سائیکلیں ریاض ریجن میں ضبط ہوئی ہیں جن کی تعداد 3654 ہے‘۔

’دوسرے نمبر پر جدہ ہے جہاں سے 1848 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’مدینہ منورہ میں 202، مکہ مکرمہ میں 376، مشرقی ریجن میں 436، طائف میں 88 اورجازان میں 100 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔