منشیات سمگل  کرنے پر تین شہریوں کو سزائے موت

سعودی وزارت داخلہ نے کہا ہے کہ منشیات سمگل کرنے پر تین سعودی شہریوں پر سزائے موت کا فیصلہ نافذ کر دیا گیا ہے۔

سعودی پریس ایجنسی کے مطابق وزارت داخلہ نے کہا ہے کہ ’سعودی شہری سعود الرویلی، مساعد الاشجعی اور خالد الحازمی کو منشیات سمگل کرتے ہوئے گرفتار کیا گیا تھا‘۔

وزارت نے کہا ہے کہ ’تمام ثبوت اور دلائل کے ساتھ انہیں عدالت میں پیش کیا گیا جہاں الزام ثابت ہونے اور زمین میں فساد پھیلانے پر سزائے موت کا فیصلہ سنا دیا گیا‘۔

’بعد ازاں اپیل کورٹ نے زریں عدالت کے فیصلے کی تصدیق کی اور ایوان شاہی نے فیصلے پر عملدرآمد کی منظوری دی ہے‘۔

وزارت نے کہا ہے کہ ’آج پیر کو شمالی حدود ریجن میں عدالت کا فیصلہ نافذ کردیا گیا ہے‘۔