سعودی ڈیٹا اینڈ آرٹیفیشل انٹیلیجنس اتھارٹی ’سدایا‘ نیویارک میں اقوام متحدہ کی جنرل اسمبلی کے 80 ویں اجلاس کے دوران اقوام متحدہ اور کینیا کے ساتھ مصنوعی ذہانت پر ایک اعلی سطح کے اجلاس کی مشترکہ میزبانی کرے گی۔

سعودی نیوز ایجنسی’ ایس پی اے‘ کے مطابق تقریب میں عالمی شہرت یافتہ ماہرین اور پالیسی ساز ادروں کے ذمہ داران  کےعلاوہ اعلی حکام بھی شرکت کریں گے۔

اس ایونٹ میں مصنوعی ذہانت کے حوالے سے عالمی رجحانات اور ان کے سماجی ومعاشی اثرات پر گفتگو کی جائے گی۔

 سدایا کے نائب صدر انجینئرسامی بن عبداللہ مقیم وفد کی قیادت کررہے ہیں، وفد میں مختلف تکنیکی اور تحقیقی شعبوں کے ماہرین شامل ہیں جو پائیدار ترقی، سکیورٹی اور جدت میں مصنوعی ذہانت کے کردار پر بات چیت کریں گے۔

 یہ اقدام عالمی سھح پر مصنوعی ذہانت کی پالیسی سازی میں سعودی عرب کے  بڑھتے ہوئے کردار کو اجاگر کرتا ہے جو ڈیٹا اور مصنوعی ذہانت کے مستقبل کی تشکیل اور وژن 2030 کے اہداف کا حصہ ہیں۔