متحدہ عرب امارات میں اکتوبر 2025 کے لیے پٹرول اور ڈیزل کے نرخوں کا اعلان کیا گیا ہے۔
فیول پرائس کمیٹی نے نئی قیمتوں کی منظوری دی ہے، اس کا اطلاق بدھ یکم اکتوبر سے ہوگا۔ پٹرول اور ڈیزل مہنگا ہوگیا۔
وام کے مطابق پٹرول سپر 98 کی نئی قیمت 2.77 درہم فی لٹر مقرر کی گئی ہے جو ستمبر میں 2.70 درہم فی لٹر تھی۔
سپیشل 95 کی قیمت اکتوبر کےلیے 2.66 درہم فی لٹر مقرر کی گئی ہے۔ گزشتہ ماہ 2.58 درہم فی لٹر دستیاب تھا۔
UAE Fuel Price Committee announces prices for October 2025#WamNews pic.twitter.com/6NoqVSdF3W
— WAM English (@WAMNEWS_ENG) September 30, 2025
ای پلس 91 کے نرخ اضافے کے بعد 2.58 فی لٹر ہوں گے۔ ستمبر میں اس کی قیمت 2.51 فی لٹر تھی۔
ڈیزل کی نئی قیمت اضافے کے بعد 2.71 درہم فی لٹر ہوگی۔ گزشتہ ماہ ڈیزل 2.66 درہم فی لٹر میں دستیاب تھا۔
یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔
