جنوبی افریقہ کی انڈیا کو 25 برس بعد 408 رنز سے تاریخی شکست
جنوبی افریقہ نے انڈیا کو 25 برس بعد اس کے ہوم گراؤنڈ میں شکست دی ہے (فوٹو: اے ایف پی)
جنوبی افریقہ نے انڈیا کو دوسرے ٹیسٹ میچ میں 408 رنز سے شکست دے دی ہے۔
انڈیا کو جنوبی افریقہ نے 25 برس بعد اس کے ہوم گراؤنڈ میں ہرایا ہے۔
بدھ کو گوہاٹی کے بارساپارا کرکٹ سٹیڈیم میں میچ کے پانچویں اور آخری روز انڈین ٹیم اپنی دوسری اننگز میں 140 رنز پر ڈھیر ہو گئی۔
اس سے قبل جنوبی افریقہ نے اپنی پہلی اننگز میں 489 رنز بنائے تھے جس کے جواب میں انڈیا 201 رنز ہی بنا سکی تھی۔
اپنی دوسری اننگز میں جنوبی افریقہ نے 260 رنز سکور کیے اور یوں انڈیا کو 548 رنز کا پہاڑ ہدف دیا۔
ہدف کے تعاقب میں انڈیا کی ٹیم 140 رنز بنا کر آؤٹ ہو گئی۔
