شہزادہ فیصل بن فرحان سے ترکمانستان کے وزیر خارجہ کا رابطہ
دو طرفہ تعلقات اور انہیں مضبوط بنانے کے طریقوں کا جائزہ لیا گیا۔( فوٹو: عرب نیوز)
سعودی وزیرخارجہ شہزادہ فیصل بن فرحان سے بدھ کو ترکمانستان کے ہم منصب رشید میریدوف نے ٹیلی فون پر رابطہ کیا ہے۔
ایس پی اے کے مطابق رابطے کے دوران سعودی عرب اور ترکمانستان کے درمیان تعلقات اور انہیں مضبوط بنانے کے طریقوں کا جائزہ لیا گیا۔
علاوہ ازیں دونوں وزرائے خارجہ نے باہمی دلچسپی کے امور پر بھی بات چیت کی۔
یاد رہے سعودی وزیرخارجہ شہزادہ فیصل بن فرحان نے منگل کو ریاض میں بحرین اور اٹلی کے ہم منصبوں کا خیرمقدم کیا تھا۔
ملاقاتوں میں دوطرفہ تعلقات، حالیہ علاقائی اور بین الاقوامی صورتحال اور مشترکہ دلچسپی کے امور پر تبادلہ خیال کیا گیا۔
