سعودی ولی عہد اور شامی صدر کا اقتصادی بحالی کے لیے کوششوں پر تبادلہ خیال
متعدد شعبوں میں تعاون مضبوط بنانے کے مواقع کا جائزہ لیا گیا۔(فوٹو: اے ایف پی)
سعودی ولی عہد شہزادہ محمد بن سلمان اور شام کے صدر احمد الشرع نے منگل کو ٹیلی فون پر رابطہ کیا ہے۔
ایس پی اے کے مطابق رابطے کے دوران سعودی عرب اور شام کے درمیان دوطرفہ تعلقات کے پہلووں کے ساتھ متعدد شعبوں میں تعاون مضبوط بنانے کے مواقع کا جائزہ لیا گیا۔
مشترکہ دلچسپی کے امور، شام میں سکیورٹی اور استحکام کو برقرار رکھنے اور اقتصادی بحالی کی سپورٹ کے حوالے سے کوششوں پر بھی بات کی گئی۔
اس سے قبل سعودی ولی عہد و وزیراعظم شہزادہ محمد بن سلمان سے انڈونیشیا کے صدر پرابوو سوبیا نتو نے ٹیلی فون پر رابطہ کیا۔
رابطے کے دوران دوطرفہ تعلقات، سعودی عرب اور انڈونیشیا کے درمیان تعاون بڑھانے کے طریقوں کا جائزہ لیا گیا۔
