خادم حرمین شریفین شاہ سلمان بن عبدالعزیز کی جانب سے پاکستان کے آرمی چیف فیلڈ مارشل عاصم منیر کو فرسٹ کلاس کنگ عبدالعزیز میڈل سے نوازا گیا ہے۔
سعودی خبررساں ایجنسی ’ایس پی اے‘ کے مطابق خادم حرمین شریفین کے احکامات پر عمل درآمد کرتے ہوئے وزیر دفاع شہزادہ خالد بن سلمان نے فیلڈ مارشل عاصم منیرکو اعزاز سے نوازا۔
ریاض میں وزارت دفاع کے ہیڈ کوارٹر آمد کے موقع پر شہزادہ خالد بن سلمان نے جنرل عاصم منیر کا استقبال کیا اور انہیں تینوں مسلح افواج کی کمانڈ سنبھالنے پر مبارک باد پیش کی۔
اس موقع پرسعودی عرب اور پاکستانی کے دیرینہ تاریخی تعلقات پر بھی تبادلہ خیال کیا گیا۔ علاوہ ازیں دیگر باہمی دلچسپی کے امور بھی زیر غورآئے۔
ملاقات میں سعودی نائب وزیر دفاع شہزادہ عبدالرحمان بن عیاف، چیف آف جنرل اسٹاف لیفٹیننٹ جنرل فیاض الرویلی، مشیر وزیر دفاع برائے انٹیلی جنسی امور ہشام بن عبدالعزیز اور اسلام آباد میں سعودی سفارتخانے کے ملٹری اتاشی بندر حمد الحقبانی بھی موجود تھے۔ سفیر پاکستان احمد فاروق، سفارتخانے کے دیگر اعلی عہدیداربھی موجود تھے۔
