مکہ مکرمہ میں جاری حرا کلچرل ڈسٹرکٹ ونٹرفیسٹیول اختتام پذیر ہو گیا۔ یہ مقامی او ربیرون ملک سے آنے والے زائرین میں بے حد مقبول رہا۔

سعودی خبررساں ایجنسی ’ایس پی اے‘ کے مطابق موسم سرما کے حوالے سے منعقدہ میلے میں زائرین کی تعداد 50 ہزار سے زائد رہی۔

مکہ مکرمہ کے رہائشیوں کے علاوہ دیگر شہروں اور بیرون مملکت سے آنے والے مختلف مکاتب فکر سے تعلق رکھنے والوں نے بڑی تعداد نے فیسٹول میں شرکت کی۔

حرا ونٹر فیسٹیول میں بڑوں اور بچوں کے لیے تفریحی سرگرمیوں کا بھی خصوصی طورپر اہتمام کیا گیا تھا۔ بچوں کے لیے ایجوکیشنل گیمز کا کارنر کافی پسند کیا گیا۔ 

ونٹر فیسٹیول میں بڑوں کے لیے بھی خصوصی اہتمام کیا گیا تھا۔ فیملیز کے لیے موسم سرما سے لطف اندوز ہونے کےلیے کھلے مقام پرخیمے نصب کیے گئے۔

واضح رہے مکہ مکرمہ کا معروف پہاڑ ’النور‘ جس کی چوٹی پرغار حرا واقع ہے کے دامن میں حرا کلچرل ڈسٹرکٹ کے عنوان سے میوزیم اور نمائش گاہ موجود ہے جہاں غارحرا کا خصوصی ماڈل بنایا گیا ہے۔

حرا کلچرل ڈسٹرکٹ میں بنایا گیا غارحرا کا ماڈل ان زائرین میں کافی مقبول ہے جو النور پہاڑ کی چوٹی پرنہیں جاسکتے۔

 زائرین یہاں بنائے گئے غارحرا کے ماڈل پر یادگاری تصاویر بناتے ہیں۔